O PP postula a Rosa Oubiña para ser asesora de Louzán na Deputación(o conto e non traballar).
O nomeamento da ex concelleira cambadesa podería facerse oficial durante os próximos días.
A ex concelleira do PP de Cambados, Rosa Oubiña Solla, podería ser nomeada en breve asesora do presidente da Deputación de Pontevedra, Rafael Louzán. A contratación da edil completaría así a lista de ex concelleiras e rexedores aos que os populares buscaron un oco nas diversas administracións públicas. Foi o caso de Miguel Anxo Pérez, anterior alcalde do Grove e hoxe xerente dos bombeiros, e de Tomás Fole, edil en Vilagarcía que agora dirixe o Instituto de promoción industrial de Pontevedra (Ipespo).
Oubiña conta cunha ampla experiencia na política local cambadesa, onde comezou a súa carreira fai agora máis de dez anos. Chego ao equipo de goberno da man do anterior alcalde, Santiago Tirado, cando o número dous da lista ocupábao José Manuel Cores Tourís. Foi precisamente este último o que a converteu na segunda de abordo do Concello e liberouna para que fixese fronte á concellaría de Cultura encargada, entre outras cousas, de organizar a Festa do Albariño.
Co nomeamento de Cores Tourís como senador, Oubiña cobrou máis protagonismo, pois durante semanas encargouse de substituír ao rexedor exercendo de alcaldesa en funcións. A súa tarefa viuse recompensada cun posto, que se supuña de saída, nas listas do PP ao Parlamento galego. Pero os populares perderon un escano en Pontevedra, o que correspondía a Oubiña( a case deputada, que pena), e con el o goberno da Xunta.
Un sorprendente abandono
Pouco antes de que se celebrasen as municipais, Cores Tourís daba a coñecer que Oubiña non concorría aos novos comicios. En principio especulouse con que, tras as eleccións, algún dos deputados populares veríase obrigado a dimitir e, con iso, a concelleira cambadesa conseguiría facerse un oco no Parlamento. Pero esta posibilidade non chegou a concretarse.
A súa retirada da candidatura cambadesa sorprendeu a máis dun. Levaba anos sendo o número dous de Cores Tourís e todo parecía indicar que ía continuar no posto. Con todo, o alcalde recorreu ao natural proceso de renovación que teñen que sufrir os partidos para xustificar a ausencia de Oubiña da súa candidatura.
Desde que se coñeceu que non ía nas listas, moitos foron os rumores que situaban á ex concelleira en diversos e variados cargos, tanto provinciais como na capital autonómica. Con todo, o único que terminou cobrando forza foi o da Deputación. Ao parecer, todo está xa listo para que a edil pase a ser unha das asesoras do presidente. O seu nomeamento, que aínda non é oficial, podería facerse efectivo durante os próximos días.
Outros asesores
O posto que, suponse, ocupará Oubiña durante os próximos días é moi similar ao que no seu día desempeñou a alcaldesa de Ribadumia, Salomé Pena, cando o goberno dos populares en minoría impedíalle cobrar un soldo. Foi durante o anterior mandato e, segundo diversas fontes, tamén a edila Lida Álvarez, do mesmo municipio, figuraba na nómina da entidade provincial.
Na nova constitución da Deputación figuran un total de 19 prazas para persoal eventual que, na súa maioría, destínanse a postos de confianza. Aquí é onde se inclúen os cargos de tres asesores da presidencia, no que estaría contratada Oubiña. Tamén, postos como o de director xerente da Cidade Infantil Príncipe Felipe, que desempeña a concelleira do PP insular, Zoila Paz, ou o de xefe de gabinete, do que se ocupa o presidente do PP de Ribadumia, Martín Serantes.
O Sorro tamen se pronunciou o respecto:http://www.osorro.ar.gd/
.jpg)
Eu como non vou ter nada diso vou falar doutra festa. Da festa politizada por esos gobernantes que non fan maís que nomear cababaleiros os seus amigos, darlle follas de prata os seus máis inmediatos colaboradores e facer o domingo do Albariño non unha festa popular senón a festa do Partido Popular.
Da festa que pon un servizo publico para preto de 200.000 persoas, e claro si a xente bebe, obviamente mexa e donde mexa, dando lle sale do carallo, e cada vez que a noite vai entrando as karenas van medrando directamente proporcional e chegan a mexar ,a botar pastillas e a romper cristales donde lles ven gaña (A Policia Local brila pola súa ausencia). Da festa dos comás etílicos dos menores, e unha das festas donde o Centro de Saude de Cambados non da abasto, e seino por propia expericia, e o dia donde rapaces e rapazas de doce , trece, catorce e quince anos son atendidos por que non controlan o que beben, nin hai información previa o respecto porque para estes gorbernantes o que non se ve non existe.
Da festa do inmenso macrobotellón que todolos sábados do Albariño, e dende fai unha gran número de anos se ven a celebrar no parque, sen control de ningunha clase nin ningunha clase de servicios, como o Sr. Touris e Sra. Carro non van por ali, tampouco existe. Da festa da desinformación total, a xente de fora anda máis perdida que un polbo nun garaxe, non saben a donde ir, non teñen a quen preguntar, o concello ten as portas pechadas, a oficina de información e turismo tamén está pechada, non hai ninguen nos postos tampouco que poida informar a xente dos actos que hai. Da ausencia de gaiteiros nunha festa galega por excelencia, contratan eso si os das faldas de Ourense para o paseo triunfal ata o Pazo de Fefiñans pero ¿Qué lle custaria contratar catro o cinco grupos de gaiteiros e colocalos estratexicamente a tocar nos horas mortas que non hai ningunha actividade?.
Da festa que menospreza os nosos restauradores e casas de comidas toda vez que unha carpa enorme rexentada por un do Grove fai o seu agosto, e nunca tan ben dito, en prexuizo dos nosos industriais. Da festa que maltrata a xente da terceira idade , que maltrata a persoas tan distinguidas coma Manuel Fraga que lle fan andar casique un qilometro no estado lamentable no que se atopa. Da festa na que se vende viño Albariño “ilegal” sen embotellar en cantidades industriais e o Consello Regulador da popular Marisol Bueno non fixo nada a sabiendas.
Da festa que está manipulada por un señor de Pontevedra que lle chamen Pedro Rial e que cambia o seu antoxo os estatutos do Capitulo Serenisimo porque Don Manuel deixou de ser presidente da Xunta.
Da festa donde un 25 ou 30% do seu orzamento gastase nunha comida nun Pazo mercado a propósito por Don Manuel, o Pazo de Torrado.Da festa que faltando casique quince días para a súa celebración ainda non se sabe nada de nada, agás a actuación de Paloma San Basilia (vaia merda). En fin dunha festa moi mal organizada, unha festa que podia ser moito millor cun Padroado que a rexentara, unha festa donde a imaxinación brila pola ausencia, so falta que traigan a Manolo Escobar para estar todo o credo do Partido Popular.
Este home probablemente sabe moitas cousas das que pasan no “auntamento” porque leva moitos anos no cargo, imaxinadevos por un momento se por vinganza se pon a largar “anécdotas” da sua boquiña. Podia decir moitas cousas ,sen ir máis lonxe comenzando, que é o que realmente pasa no corpo o que pertence. Podia decir que pasou no exame para elexir Xefe do seu corpo. Podia decir como chegou a denuncia do Sr. X ó Xulgado e quen realmente mandou presentala. Podia decir que él sabe que un alto cargo municipal , por certo que un dos colectivos o que pertence pola sua condición sexual (contra que por suposto non temos nada pero o seu partido si) acaba de celebrar a súa gran festa en Madrid, ten o seu despacho privado no Concello porque como sabedes aparte ten outra profesión. Podia decir tamén que elaborou mais de un atestado ou informe que non chegou finalmente o destino porque habia implicado alguen coñocido do partido.
Podia decir tamen que outro alto cargo municipal “acarreta” gas oil e outros materiais para a súa vivenda sen que este teña carácter municipal nin se lle pareza. Podia decir as matriculas dos vehículos que fan a “carretaxe” dos votos nas eleccións. Podia decir tamén que certas sancións de circulación a certos militantes do mesmo partido “extraviaronse” no camiño o despacho do máximo mandatario. Podia decir tamén como fan alguns narcos para conseguirlle becas municipais os seus fillos. Podia decir como funcionarios afectos o partido marchan o mercado o de viños e non se lles di nada.
