Cid desminte ao Concello e afirma que superou as prácticas e o exame médico.

Según o Diario de Arousa:

Recentemente o equipo de Goberno do Concello manifestou a súa decisión de presentar un recurso contra a sentenza que lle obriga a darlle o posto de sarxento xefe da Policía Municipal a Maximino Cid Ferro, á espera de que este acredite que dispón da formación obrigatoria para exercer como sarxento, é dicir, que superou as prácticas de traballo, tal e como esixen as bases da oposición.

O axente tachou de "mentiras" as palabras dos responsables municipais e afirmou que "non é certo que aínda non supere o recoñecemento médico e as probas físicas"(Pero vamos a ver, si as físicas e o recoñecemento son os primeiros exames, como é posible que chegara o último exame, panda de...). Para iso presentou o acta do tribunal calificador, onde os compoñentes do mesmo acreditan coa súa firma que pasou o exame médico, psicotécnico e físico, ademais do teórico. A isto engade que é o Concello quen debe comprobar que o candidato ao posto "realice todos os cursos de mando" para poder acceder á convocatoria, polo que considera que as alegacións do Concello son "un novo capítulo" da súa "resistencia a permitir o acceso ao emprego ao demandante".

Por outra banda, desmente que a anulación do nomeamento do outro opositor, Luís Alberto Acuña Martínez, debésese a presentarse ante os axentes do corpo de Cambados como o seu sarxento en prácticas. Segundo Cid Ferro, foi debido a "as tres graves irregularidades cometidas polo tribunal calificador" que, segundo el, consistiron en darlle máis tempo para facer o quinto exame da fase da oposición, haberse ausentado todo o tribunal(Que seriedade a de Tourís & CIA), mentres se realizaba o devandito exercicio, ademais de haber indicios de que un dos seus membros pasase copia do exame a Acuña Martínez.

Maximino Cid Ferro considera que o Concello de Cambados lanzou estas "mentiras", segundo el, por "ignorancia ou para desviar a atención do verdadeiro contido da sentenza" que lle obriga a darme a praza de sarxento xefe".

A isto engade que o contido desta resolución xudicial deixa ao alcalde do municipio e senador, Xosé Manuel Cores Tourís, nunha situación "difícil e lamentable cara ás próximas eleccións xerais". Para rematar, o axente ourensán advirte ao Concello de que as súas accións poden incorrer nun DELITO DE PREVARICACIÓN (que o senten no banquillo xa)e opina que polas súas últimas declaracións "parece insinuar que ten unha carta gardada" para impedir que acceda á praza.