BASES DE SUBOFICIAL ILEGAIS(OUTRA VEZ)

Según La Voz de Galicia:

O aspirante a sarxento de Cambados recorre por segunda vez as bases do concurso.

Alega que non é legal eximir aos funcionarios das probas físicas.

O longo culebrón para a provisión da praza de sarxento da Policía Local de Cambados conta xa cun novo capítulo. Maxi Cid Ferro, o aspirante á praza que fora rexeitado polo tribunal cando se celebraron as probas, presentou un recurso contra as bases das mesmas. E non é a primeira vez que o fai. E con anterioridade, a Xustiza deulle a razón. Cid Ferro alega que as bases que se publicaron no Diario Oficial de Pontevedra o pasado 10 de decembro son ilegais, porque exime aos aspirantes que xa son funcionarios da proba física. O aspirante a sarxento asegura que, deste xeito, «ou proceso quedaría viciado ao favorecer a determinados aspirantes, pero a un aspirante de forma especial»(todos sabemos quen é).

O recorrente sostén que o apartado no que se especifica que os funcionarios quedan exentos de devandita proba contradise coa lei, que segundo Cid Ferro, especifica que «as probas selectivas de oposición serán de carácter teórico e práctico e nas mesmas, haberán de incluírse, necesariamente, un recoñecemento médico, probas de capacitación física, un exame psicotécnico e unha avaliación de coñecementos xerais ou específicos de materias relacionadas co exercicio profesional, así como ou coñecemento dá lingua galega e dás institucións e dereito básico de Galicia». Ademais, o aspirante a sarxento rexeitado no seu día polo tribunal examinador sostén que a lei na que se basean as bases redactadas para o concurso data do ano 1992, e que xa foi derrogada pola vixente lei 4/2007 do 20 de abril, que no seu artigo 28 subliña que a categoría de inspector principal (equivalente á convocada) só pódese crear nos municipios con máis de 15.000 habitantes e onde o número de membros do corpo afectado exceda dos 25. «O Concello de Cambados non tén nin quince mil habitantes nin 25 efectivos non seu persoal, polo que non se axusta á citada lei de coordinación».

Para o recorrente, ditas bases non teñen outra finalidade que a de impedir o seu propio acceso á Xefatura da Policía Local de Cambados no caso de que o TSXG confirme a sentenza do xulgado de Pontevedra que condenou ao Concello de Cambados a entregar a Cid Ferro a praza de sarxento. «Logo de máis de seis anos pedindo xustiza e loitando por unha legalidade que non acaba de chegar ao Concello de Cambados, Cid Ferro -di o recorrente- non cesará ante as inxustizas levadas a cabo polo Concello co seu alcalde senador á cabeza. Acudirei a xuices, ao Valedor do Pobo ou á Comisión de Coordinación dás policías locais de Galicia. Todo elo para pedir legalidade e xustiza. E moito pedirlle ao Concello de Cambados?"¿Cantos cartos despilfarran en avogados e procuradores, por qué o fan?,¿Por qué o concello de Cambados quere eximir os policías de facer unhas probas físicas, pensa en alguén, quizás no sarxento interino?"». Avogados e procuradores Cid Ferro recorda que nos últimos anos o Concello de Cambados leva xa catro sentenzas condenatorias, ata con advertencias dos xuíces ao alcalde e ao grupo de goberno (constando na sentecia "desvio de poder" e "vicio de arbitrariedad"), o que leva unha serie de gastos en avogados e procuradores que recaen sobre as arcas municipais. Cid pregúntase se ese malgasto non ten outra razón de ser que a de eximir aos policías dunhas probas físicas que, á súa entender, poderían perseguir, unicamente, favorecer ao actual sarxento interino(Bueno agora xa sabe o que toca, pantalons cortos, sudadera, cinta na cabeza e a baixar e subir as escaleiras da casa consitorial a lo Rocky Balboa).

En canto as bases, "confundirte" unha vez vale, duas xa e moi descarado, este é o conto de nunca acabar. ¿Por qué teñen que pagar os cambadeses a uns técnicos que voltan a facer bases irregulares, ou é que non as fixeron os "técnicos"?

Desexarlle sorte e ánimo a Máximo, nun novo litixio cos de sempre.

Se va el caimán, se va el caimán.

Según La Voz de Galicia:

Dous sucesores para Cores Tourís

A proximidade dos comicios xerais anima as cábalas políticas. En Cambados fálase da posibilidade de que o alcalde deixe o cargo en marzo. Só se Rajoy gaña(esperemos que non).

José Manuel Cores Tourís, alcalde de Cambados desde fai dez anos, presidente da mancomunidade ata o 2003, senador desde o 2000. Si o PP gaña nas urnas e sexa capaz de formar goberno en Madrid e posible que marche en marzo. Vaiamos por partes. De todos é sabido que os conservadores cambadeses gustan de executar as transicións a metade de mandato. Santiago Tirado, deu a substitución a Cores Tourís antes de que rematase o período 1995-1999. O invento funcionou ata o punto de que o PP logrou, en Cambados, unha perpetuación no poder(mandato Nacho Vidal, largo e duro) da que moitos dubidaban logo dun prolongadísimo período de goberno municipal. É certo que a gaivota estivo a piques de perder a súa maioría absoluta fai catro anos. Aquela traumática experiencia fixo pensar na posibilidade de volver aplicar a fórmula da transición a medio mandato. E había, no equipo popular, un nome que reunía todos os boletos para protagonizar o novo salto: Luís Aragunde. As cousas non funcionaron como o PP previra no 2004, pero Cores Tourís renovou a súa acta de senador sen problemas.

Novamente xurdiron rumores acerca dunha virtual substitución. Tampouco nesta ocasión cumpríronse os vaticinios. Así, e coa perspectiva dunha derrota nas urnas, o alcalde repetiu como cabeza de cartel. No entanto, os populares aprenderon a lección do 2003, traballáronse o electorado casa por casa. Agora que os ventos electorais volven soprar desde Madrid, as apostas volven estar sobre a mesa. Afiliados e simpatizantes do PP de Cambados aseguran que se fala xa dunha segura substitución de Cores Tourís, independentemente de se repite ou non presencia na candidatura ao Senado. O rexedor advirte de que por agora non hai nada confirmado e que haberá que esperar ata o albor do 2008 para falar de listas. Pero na comarca coméntase que, de gañar a gaivota os cruciais comicios, o rexedor tería un posto que desempeñar na Administración estatal. Sendo isto así, o lóxico en Cambados é ir pensando na persoa chamada a substituír a Tourís e encabezar un novo proxecto que manteña aos conservadores á fronte do aparello municipal. A opción de Aragunde volve estar sobre a mesa. Agora ben, a baralla conservadora non se esgota con el. «Luís non nos acaba de convencer(¡Uhuhuhuhu!), pero a Ana quérea todo o mundo», afirma un mozo integrante do PP comarcal. Refírese a Anabel Carro , responsable municipal de Cultura, Xuventude e Deporte, antiga presidenta de Novas Xeracións, que por primeira vez accede a un cargo de responsabilidade directa na xestión municipal(A miña quiniela é Aragunde digan o que digan). Din, no berce do albariño, que o home forte é, sen dúbida, Aragunde. El é a referencia política en ausencia dun Tourís cuxo futuro parece xogarse máis na capital que entre as parroquias de Cambados. Algo que tamén parece sucederlle ao agora xefe da oposición, o socialista Domingo Tabuyo, que se move no Congreso como peixe na auga e rendibilizou enormemente a súa condición de deputado. Pero, ao parecer, a súa xestión xerou tamén desgustos e oposicións que poderían xogar un papel importante á hora de tomar a decisión final. Non convén, en calquera caso, precipitarse como a leiteira coas súas contas. A premisa inescusable é, unha vez máis, que o PP venza nos comicios de marzo(Xixixixixixi, mellor que non pase).

As bases da praza de suboficial

Según La Voz de Galicia:
O Concello de Cambados modifica as bases para convocar as prazas de cabo e suboficial.

Atendendo aos recursos presentados fai uns meses por axentes da policía local en atención á convocatoria dunha praza de cabo e outra de suboficial, o Boletín Oficial de Pontevedra publicou onte a modificación das bases que regulan o proceso. (Na praza de suboficial as bases fixéronse "a medida" para facilitar o acceso de todos sabemos quen).
Tamén Maximino Cid, opositor a sarxento que denunciou irregularidades nos exames, recorreu aos tribunais solicitando a mesma media. Tras estudar de novo a normativa, os técnicos decidiron modificar as bases nos termos que se publican agora no BOP. Así, ao posto de cabo só poderase acceder por promoción interna, a través do sistema de concurso de méritos, mentres que antes podían presentarse policías de toda Galicia. A de suboficial modifícase para convocarse por oposición libre, e non por concurso oposición, que era como figuraba anteriormente.

CENSURA NA REDE

Según La Voz de Galicia:

PECHAN O FOTOLOG DE UNHA GRANDE CHEA

Os calendarios nos que rostros coñecidos de Cambados e a bisbarra do Salnés posan lixeiros de roupa para recadar fondos destinados á asociación Esperanza Salnés estanse a esgotar. Mais non todo o mundo amosa o mesmo interese polos corpos dos arousáns, por moito que a súa intención sexa benéfica e as fotografías, respectuosas e de boa calidade. É o caso dos administradores do fotoblog no que Unha Grande Chea deitara as imaxes do calendario para que puidesen ser olladas en Internet. Os responsables, norteamericanos, do servizo veñen de clausurar a páxina da sociedade cambadesa por considerar que a presenza de espidos vulnera os seus principios.
A compañía Fotolog foi fundada en Nova York no 2002. Cinco anos despois, as súas cifras sinalan 3,5 billóns de accesos por páxina e 15 millóns de visitantes mensuais. Na súa presentación, os administradores explican, nun castelán moi ao seu xeito, algunhas das súas condicións. Entre elas: «Absolutamente no desnudez ni contenido sexual. Estamos de acuerdo en que muchas imágenes artísticas y hermosas en el mundo contienen desnudez. Pero Fotolog no es un lugar para ellas. No pechos descubiertos, no entrepiernas destapadas, no traseros al aire, no lencería provocativa o ropa interior (incluso si se trata de un dibujo)».
Mais dende Unha Grande Chea entenden a clausura do fotoblog como un acto de hipocrisía e dobre moral: «Estes americanos tan liberais como para ser a industria número 1 do mundo en materia pornográfica logo résganse as vestiduras por un espido artístico e benéfico», denuncia o colectivo no seu blog, preguntándose que tipo de «pervertido puido denunciar estas fotos», xa que o peche chega logo da denuncia dalgún usuario. «Abriremos outro», prometen eles.
Quero mostrar a miña repulsa a actitude da compañía do fotolog, cando as imaxes non mostran nada e ademais teñen un carácter benefico. Darlle ánimos os compañeiros de UGCh.

NORBERTO MARCHA

Según La Voz de Galicia:

O asesor xurídico de Cambados ficha pola Fegamp

O asesor xurídico do Concello de Cambados, José Norberto Uzal Tresendi, incorporouse aos órganos de dirección da Federación Galega de Municipios e Provincias. No seu nomeamento como integrante da dirección xeral pesou o seu profundo coñecemento da Administración. O seu nomeamento deuse a coñecer onte, despois de que se celebrase unha comisión executiva extraordinaria da Federación, a primeira logo da asemblea xeral celebrada por esta entidade o pasado xoves.

Artigo do Sorro:

TOURISADAS
Temos un Alcalde que non nos merecemos. Temos como máximo mandatario do noso concello a un impresentable ou máis ben a un desaparecido. As ausencias que xa nos ten acostumados a actos públicos, nos cales debe estar, como di o outro vai no soldo, pero que non organiza o seu partido ou achegados,as ausencias alongadas do seu posto de traballo como Alcalde , o desinterese total polo seu pobo hai que sumar que cando aparece e para “armar lio” tal e como ocorreu no último incidente coa delega de Industria con motivo da inauguración de “O Comercio Móvese” , actitude , a do noso alcalde , que podemos tachar de covarde, rancorosa e ditatorial, na derradeira quenda de palabra pouco máis que insinuou que os males do noso pobo eran por culpa da Delegada de Industria Montserrat Prado, e todos sabemos que o noso pobo ten varios males , pero ten un cáncer que o está matando e que debían de estudar os científicos e que se chama Touris.

Touris tivo ausencias sonadas , coma a da homenaxe a Isaac Diaz Pardo, a da presentación e debate da Plataforma Galega contra o Narcotráfico, pero quizais a máis despreciable é a súa ausencia o acto de presentación do Calendario a Prol de Esperanza Salnés, todo Cambados estivo na gala, políticos, asociacións, empresarios, todo o mundo menos el, si estivo o seu segundo de abordo e probable sucesor, outro que ben baila, o Sr. Aragunde, o cal tampouco xustifica o soldo que chupa da Deputación. Reclama tamén Touris unha subvención a industria, que lle foi rexeitada polo anterior goberno do PP por non presentar a documentación pertinente no prazo sinalado , minte e o que é peor sabe que minte, e claro cos cartos de todos os cambadeses presentada un contencioso contra Industria cando sabe a todas luces que non leva razón. Despois cando recibe subvencións non fai roldas de prensa para dicilo, iso non convén, coma a recibida a principios de novembro pasado do Ministerio de Vivenda para a restauración de 20 vivendas por valor de 334.000 euros. Queixase con frecuencia de que non recibe subvencións para o seu concello dende que está o bipartito e vai e rexeita unha subvención de 400.000 euros para a barriada de San Francisco alegando que os veciños non están conformes canda e unha basta falsidade, xa que a única veciña que non está conforme ca remodelación da barriada e a irmán de Genma a Secretaria persoal de Norberto, quen dito sexa de paso se nos marcha para a Fegam despois de conseguir facer fixo o seu posto e pedir a excedencia, as malas linguas din que non hai moi boa relación con Touris, a todo isto e abondando neste tema dicir que non entendemos certas actitudes do PSOE que se acaban de facer coa Presidencia da Fegam e ficha como asesor a un home da extrema dereita, pero isto é outro cantar, o que iamos o que realmente quere facer Touris na barriada de San Francisco e pisos e máis pisos para que os seus amigos poidan encher os petos.



Algúns xa lle están a poñer prazo a súa retirado que se prevé para o ano 2008, e como se un rei fose nomear o seu sucesor o ínclito Sr. Aragunde e enganar novamente o pobo de Cambados tal e como fixera Negocito con Tirado, todo depende das vindeiras listas que se fagan para o Congreso dos Deputados unha vez conseguida polo noso rexedor a pensión xa como senador, si Touris vai nun dos postos de saída para o Congreso e segura a súa marcha do Concello, esperaremos a Marzo.

O Sorro para alcalde!

CUMPLEANOS

¡A PÁXINA CUMPLE UN ANO!
GRAZAS A TODOS.

Os medios de comunicación

Interesante artigo do Sorro, que analiza os medios de comunicación.

A PRENSA EN AROUSA

De un tempo a esta parte tiña gañas de escribir dos medios de comunicación máis arraigados na Ria de Arousa, o máis moderado deles pode que chegue cun pouco de sorte o centro dereita, algúns casique que se achegan a extrema dereita e outros practicamente non saben por donde andan. Outras das cousas que me chama a atención deste medios de comunicación e a explotación total do obreiro sen que ninguén lle poida dicir nada , porque claro que partido , organización ou sindicato se mete con eles, despois van saír moi mal parados, porque estes queridos amigos non é o cuarto poder senón o primeiro. Neste medios chega a traballar xente con contrato de dúas horas catorce e dezaseis horas o dia, xente que traballa sen contrato, xente que traballa como "becarios" con contratos realmente indignos, en fin todo que eles , os medios, critican as empresas téñeno eles e agrandado na súa propia casa. Imos con eles un a un.

E o medio dos que imos a falar cunha liña editorial moi de dereitas case que preto da extrema dereita, e totalmente afín os populares, un “escravo” de Louzán e acólitos, todos os actos ou manifestacións dos populares teñen un eco e unha difusión inusitada. Case obvian ao PSOE e ignoran completamente o BNG, isto obviamente falando en liñas xerales o cal non quere dicir que puntualmente informen dalgunha cousa dos socialistas ou nacionalistas, ata aí chegariamos.

Periódico tamén cunha liña editorial de dereitas quizais un pouco máis moderada que o Diario, a inda que ten un pouco máis de aprecio polos socialistas, ignora completamente os nacionalistas facendo caso omiso das súas convocatorias das roldas de prensa. En Arousa teñen unha delegada moi, pero que moi de dereitas.

Quizais da prensa escrita de Arousa séa a máis “sensata” aínda que a nivel xeral lease Galiza a súa tendencia é tamén de Centro Dereita. En Arousa porén sempre foron un pouco máis centrados e algunha ocasión teñen dado caña os populares , pero tamén moi esporadicamente, é o único que se pode salvar da queima, pero polos pelos.

Radio Arosa - Radio Pontevedra

E incrible o cambio que se produce neste medio de conexión de nivel nacional a nivel local ou provincial. Cando un escoita a ser pola maña e oe a Francino, bo ata da gusto oíla radio, pero cando se oe os Bos Dias de Eugenio Giráldez, amigo íntimo de Rajoy, parecer escoitar a Jimenes Losantos, o cambio é espectacular , Giráldez e un dos baluartes mais importantes do PP en Pontevedra, e explícome o PP en Pontevedra é unha merda colgada dun pau, entendase o símil, pero este home suple as carencias e adicáselle a darlle caña o Alcalde Lores sobre todo e a líder socialista dunha maneira descarada, e sempre ensalzando o “sospeitoso” de Telmo Martín.

Tamén coñecida vulgarmente como Tele PP ou Tele Tinto.- Bo o destes e algo fora do común a extrema dereita a este xente quédalle a esquerda. Fixeron unha persecución feroz contra o Alcalde Gago, foi algo escandaloso. Cada vez que son citados a unha rolda de prensa do BNG en Arousa nunca van e unha orde que coidamos que ven da Deputación de Pontevedra, en troques no Barbanza si van porque teñen competencia alí, e entón hai que ir senón queren quedar en ridículo. E un medio en mans dos populares que manobran o seu antollo.

Con estes antecedentes como vai ascender o socialismo e o nacionalismo en Arousa, e case imposible , pero parte da cultpa tamén a ten o PSOE e o BNG por non denunciar tan mañas inxustizas, quizais o único que lle fixo algo de fronte sobre todo a Tele Salnés foi o Alcalde Gago, pero os demais como se tartarugas foran metense debaixo do seu caparazón para recibir os paus.